عاصمہ جہانگیر بلوچستان کے لئے فیکٹ فائنڈنگ مشن کی قیادت کریں گی

| 18 June 2013

پاکستان کمیشن برائے انسانی حقوق ہفتہ کو کوئٹہ اور زیارت میں ہونے والے دہشت گردانہ حملوں کے متعلق حقائق معلوم کرنے کے لیے بلوچستان میں ایک اعلیٰ سطح کا فیکٹ فائنڈنگ مشن بھیج رہا ہے۔
کوئٹہ اور زیارت میں دہشت گردانہ حملوں کی شدید مذمت کرتے ہوئے ایچ آر سی پی نے منگل کو جاری ہونے والی پریس ریلیز میں کہا ہے کہ ملک میں حالیہ سیاسی تبدیلی کے باعث حملوں کی اہمیت بڑھ گئی ہے۔ مذکورہ حملوں کے باعث عوام اور نئی حکومت کو درپیش مشکلات کو مدنظر رکھتے ہوئے ایچ آر سی پی نے بلوچستان کے لئے ایک اعلیٰ سطحی فیکٹ فائنڈنگ مشن بھیجنے کا فیصلہ کیا ہے جس کی قیادت سپریم کورٹ بار ایسوسی ایشن کی سابق صدر عاصمہ جہانگیر کریں گی۔مشن صوبے میں اعلیٰ حکومتی اہلکاروں اور سیاستدانوں سے ملاقات کرے گا۔

زہرہ یوسف
چیئرپرسن،ایچ آر سی پی

Category: Urdu

Comments are closed.

«
»