دو سو پچاسی ترک اساتذہ اور ان کے خاندان جبری وطن واپسی اور ایذارسانی کے خطرے سے دوچار ہیں

 

پریس ریلیز
لاہور
26-اکتوبر، 2017

 

عالمی وفاق برائے انسانی حقوق (ایف آئی ڈی ایچ
اور اس کی رکن تنظیم
پاکستان کمیشن برائے انسانی حقوق کی مشترکہ پریس ریلیز

 

لاہور، پیرس، 26 اکتوبر،2017 ؛ عالمی وفاق برائے انسانی حقوق(ایف آئی ڈی ایچ) اور اس کی رکن تنظیم پاکستان کمیشن برائے انسانی حقوق (ایچ آر سی پی نے حکومت پاکستان سے مطالبہ کیا ہے کہ 285 ترک شہریوں کو جبری وطن واپسی، غیر قانونی حراست اور انسانی حقوق کی دیگر خلاف ورزیوں سے تحفظ فراہم کیا جائے۔
ایف آئی ڈی ایچ کے صدر دمیترس کرسٹو پالس نے کہا ’’پاکستانی حکومت نے ایک ترک خاندان کو ملک بدر کرکے خطرے کی گھنٹی بجادی ہے۔ پاکستانی حکومت دیگر 285 افراد کے تحفظ کو یقینی بنائے جو ترکی کے حوالے کیے جانے کے خطرے سے دوچار ہیں اور حکومت کو چاہیے کہ وہ اپنی عالمی ذمہ داریوں سے انحراف کا سلسلہ بھی ترک کرے۔
پاک۔ ترک سکولوں کے ساتھ وابستہ 285 ترک شہری اور ان کے خاندان نومبر 2016 سے جبری وطن واپسی کے خطرے سے دوچار ہیں۔285 افراد کواب پاکستانی پولیس اور انٹیلیجنس ایجنسیوں کے چھاپوں کا خوف بھی لاحق ہے۔ اگر انہیں ترکی بھیجا جاتا ہے تو وہاں پہنچتے ہی انہیں غیر قانونی گرفتاری، عدالتی ایذا دہی اور گرفتاری کا نشانہ بنائے جانے کا قوی امکان ہے۔ انہیں حراست کے دوران ایذا رسانی اور بدسلوکی کی دیگر شکلوں کا سامنا بھی کرنا پڑسکتا ہے۔اُنہیں اس قسم کے سلوک کا سامنا اس لیے کرنا پڑ سکتا ہے کیونکہ جولائی 2016 میں ترکی میں ناکام فوجی بغاوت کے بعد ترکی کی حکومت ترکی میں اساتذہ، صحافیوں، ماہرین تعلیم اور انسانی حقوق کے کارکنوں کے ساتھ انتہائی سخت کارروائی کر رہی ہے۔ ’ترکی ملیشیا‘ میانمر اور سعودی عرب سے پاک۔ ترک سکولوں کے ساتھ وابستہ اساتذہ کی جبری وطن واپسی کروانے میں پہلے ہی کامیاب ہو چکا ہے۔
27 ستمبر 2017 کو پاکستان میں پاک ۔ترک سکولوں کے سابق سربراہ مسعود کچماز کو اُن کے بیوی اور دو بچوں سمیت اغوا کیا گیا۔ 14 اکتوبر 2017 کو کچماز خاندان کو ترک پولیس اہلکاروں کے حوالے کیا گیا اور اُنہیں حکومت کے بھیجے گئے ایک جہاز میں سوار کر کے زبردستی وطن واپس کر دیا گیا۔ یہ جبری وطن واپسی وزیر خارجہ پاکستان کے دورہ امریکہ کے دوران اکتوبر 2017 کے اوائل میں دیے گئے بیانات کے باوجود عمل میں لائی گئی جن میں اُنہوں نے کہا تھا کہ ترک اساتذہ اور اُن کے خاندانوں کو پاکستانی عدالتوں اور اقوام متحدہ کے ہائی کمشنر برائے مہاجرین (یو این ایچ سی آر) کی دی گئی مہلت کے خاتمے کے بعد ہی ملک بدر کیا جائے گا۔
پاکستان حکومت نے ترک اساتذہ کو 20 نومبر 2016 تک ملک چھوڑنے کا جو حکم جاری کیا تھا اسے کئی پاکستانی عدالتوں نے معطل کر دیا تھا۔ مزید برآں یو این ایچ سی آر کے جاری کردہ ’پناہ گزین سرٹیفکیٹ‘ میں واضح طور پر کہا گیا ہے کہ ترک شہریوں کو کسی ایسے ملک نہ بھیجا جائے جہاں اُنہیں خدشہ ہے کہ اُن کی زندگی اور آزادی خطرے سے دوچار ہو گی۔اگرچہ ان سرٹیفکیٹس میں 11 اکتوبر،2018 تک توسیع دے دی گئی ہے مگر پھر بھی درجنوں افراد کو اپنی حیثیت سے متعلق کئی مشکلات درپیش ہیں۔ 285 افراد کے پاس نوزائیدہ بچے ہیں جو پاسپورٹس سے محروم ہیں، دیگر کے پاس زائد المیعاد پاسپورٹس ہیں اور ایک خاندان کے افراد کی ترک شہریت ختم ہوچکی ہے۔
کچماز خاندان کی جبری وطن واپسی اور باقی ماندہ 285 ترک شہریوں کو درپیش ملک بدری کا خطرہ پاکستان کی عالمی ذمہ داریوں کی خلاف ورزی کی عکاسی کرتا ہے۔ خاص طور پر، یہ ایذا رسانی اور دیگر ظالمانہ‘ غیر انسانی یا تضحیک آمیز سلوک یا سزا کے عالمی میثاق کی دفعہ 3 کی خلاف ورزی ہے جس کے مطابق ’’کوئی بھی فریق ریاستی کسی فرد کو کسی ایسی ریاست کے